Jeremy生日賀文2022

今年生日，該抱住一個何樣的心態？

李駿傑苦惱地看向月曆，9月8曰，似乎沒有太大興致去慶祝

然而，正當他決定躺回床上，門鐘響起了

打開門，便見到江𤒹生帶著帽，一抬頭便燦爛笑著

「走，阿哥帶你食好嘢」鐵閘一打開，江𤒹生先伸手上去，有點暴亂的力度揉揉李駿傑的頭頂，便想拉著他手走

「等…等陣…我要鎖門…仲有口罩…」

「係喎…唔記得咗添，咁你鎖完落停車場搵我啦」江𤒹生揮揮手便搭𨋢離開

李駿傑回到家中，摸摸Nana「你睇住屋企啦」

「meow~」Nana用頭頂蹭蹭李駿傑小腿回應

換好衣服，帶上口罩和深色帽子，整理好儀容才出門

下樓後，江𤒹生卻不知到哪去了，換成了陳卓賢在等他

「Edan話唔識路，急call咗豬兜去接佢」

陳卓賢一邊說著，一邊為李駿傑打開車門

「咁你呢？你又咁快嘅？」李駿傑問

陳卓賢搖搖頭，沒有回答，似乎不願透露給李駿傑知，他這幾天也在附近徘徊，遙遠的陪著李駿傑

上車後陳卓賢只問「豬兜有冇同你講咩？」

「佢話帶我食好嘢」

「冇啦？」

「冇啦…佢仲想直接拉我出門」李駿傑噘起嘴唇

「哈…你咪嬲佢啦」陳卓賢摸摸李駿傑後腦，是一隻很溫柔很暖和的大手「生日快樂呀」

李駿傑在口罩下展露了笑容

「嘻…多謝」

一句的生日快樂，令李駿傑開懷了不少

本以為今年的生日會過得平淡，只有Nana陪著自己，沒想到竟然被兄弟拉了出去

陳卓賢一路上沒說話，只是有時哼出歌調，李駿傑聽過後，不忍問道

「新歌呀？」

「好聽咩？」

「幾好聽呀」

「好囉，咁擺入新歌度」

「咁求其架咩你」李駿傑輕笑

「我有求其過咩？」陳卓賢反問「有你一句好聽就夠啦」

「我話好有咩用？又唔係寫俾我…」

「咁我寫首歌俾你囉」陳卓賢悠悠的說出一句

「……吓？」李駿傑不可置信地看向陳卓賢，雙眼瞪得大大的

「我會寫首歌俾你」陳卓賢依然看著前方

「真架？」李駿傑興奮得哄前上身「真係寫俾我？」

「再問就唔寫」陳卓賢面無表情地回答

李駿傑心中有點不忿，又有點期待，攤軟在座位上，然後望出窗外不看陳卓賢以示抗議

陳卓賢斜眼看過去，忍不住笑意，伸手過去摸摸李駿傑手背，二人相視而笑，李駿傑才拍走陳卓賢的手

到了日本餐廳，大家也到了七七八八，盧瀚霆拍拍身邊座位，面露淺笑

李駿傑順應的走過去，坐到他身旁，讓他抱住自己的手臂，大概會給到一絲絲安全感給他

「估唔到你都出埋嚟」李駿傑的心情明顯因見到盧瀚霆而放鬆了，感到肩膊上軟糯的臉頰蹭來蹭去，才釋懷不少

「你生日我點可以唔到？」盧瀚霆瞇起雙眼，看著李駿傑左臉頰骨上的痣「你係擔心嘅做乜唔打俾我？」

「我有send message俾你架喎...」李駿傑捏捏盧瀚霆的手指頭

「就夠架啦？」盧瀚霆哄近一點，鼻息都噴到李駿傑的頸項上，癢癢的

「咁...我有打俾你家姐問下你狀況...」

「所以呢？」

「......」李駿傑回頭看向那個甚少迫人的盧瀚霆再次加大抱手臂的力度，似乎在怨恨眼前人太久沒有跟他好好聊天「我今晚返去同你傾電話囉...」

「嗯~好啦」盧瀚霆滿意的笑了，然後走到後方跟邱士縉和柳應廷聊天

見李駿傑身旁的位置空了出來，楊樂文跟王智德便一人一邊坐了過去

「仲有AK同Edan，其他人都到齊哂啦」楊樂文喝了一口熱茶

「你肚唔肚餓？洗唔洗食先？」王智德拿過熱毛巾抹手

看來這兩人不打算會再換位置，就是要坐到李駿傑身邊

「我OK呀，未餓住嘅」

「好啦，我就叫定哂啲嘢，你望下有冇啲咩想加？」楊樂文遞上餐牌

「吓…咁唔洗啦…我怕食唔哂」

「我幫你包底都得嘅」王智德拍拍心口

「你？你唔洗keep fit咩？」李駿傑瞪大雙眼看著他

「以後你嘅生日，就係我嘅treat day 」

看著王智德的腰果眼，李駿傑心頭一暖，也跟著笑了起來

楊樂文也用他細長的掌心，溫柔卻有力的揉揉李駿傑的後腦勺，李駿傑甚至感覺到楊樂文指節下的結繭，令他安心的微微往後靠

「你開心就得啦」楊樂文笑著道，並以自己的胸膛迎上李駿傑的後背

「Sorry Sorry！我哋遲到」呂爵安一進門便道歉

「哋你個頭！唔係要接你我鬼會遲？」江𤒹生從後拍呂爵安後腦

「唉喲～唔好嬲～我錫返你補數啦～」呂爵安整個人黏上去

「走開呀你！！」江𤒹生極力反抗惹得李駿傑大笑，也未發現一對魔手正向他的腰間進發

「Jeremy！！」

「嘩！！」李駿傑被突然的搔弄嚇得大叫，回頭一看便看到那張小魔鬼的笑臉「姜濤！！」

李駿傑站起來正要向姜濤胸口揍打，誰知一下子便被他圈進懷內，湊近到他耳邊細語

「聽日…我同你單獨慶祝…」

未等李駿傑開口，姜濤早已蹦蹦跳跳的逃走了

下一秒另一雙手緩緩從後環上他的腰間

「我唔會俾你同佢單獨過…我會過埋嚟…唔准唔開門俾我…」

聽到邱傲然的聲音由強勢逐漸變到軟糯，李駿傑不禁失笑，反手玩弄著他的髮髻

「咦？我又攬得唔得架？」陳瑞輝從洗手間走出來看到這一幕，邊用紙巾擦乾手邊問

「梗係得啦～」李駿傑張開雙手抱住陳瑞輝，但身後的邱傲然仍然不肯放手

「咁我攬埋虎仔啦」陳瑞輝傻笑，把手盡量伸長

「Jeremy～吹蠟燭先啦」柳應廷把裝飾好的蛋糕放到枱上，眾人讓出位置讓李駿傑坐下

看著燭光，覺得有點不可思議，明明今天本以為自己一人過，現在回頭看著這十一張笑臉，實在有點不踏實，卻又很興奮

對，沒有事，比看到他們的笑臉來得更安心

也沒有甚麼事，比待在他們身邊更幸福

他們…一直都在…

李駿傑合上雙眼，合手許願後，盯著燭光，良久才吹滅蠟燭

“希望我哋十二個…萬大事都撐住大家”

「生日快樂呀李駿傑！」