生米 - 貪婪。奢侈 <四>

AK走到裡面去, 看到已經有幾個小孩坐在客廳中玩耍, 正想問一下Tiger

但他已經自顧自的走到偏廳去, 扭開放在飯枱上的飯壺, 把壺內的粥分到兩個小碗裡

AK這時發現有兩個孩童分別坐在兩張餵食椅

一個有著一雙大大的眼睛, 咬著手中的小籃球

另一個把玩著手中的玩具結他, 他的眼睛非常細, 也看不太清楚他們是睜開的還是閉著的

「嗱」Tiger把兩碗都塞到AK的懷內「反正未食得飯, 你幫手餵孖仔啦」

「孖仔?」AK把粥接過來「佢兩個都唔同樣, 點會係孖胎呀...」

「佢地唔係雙胞胎, 只係咁啱同一日加入呢個大家庭, 我哋先叫佢兩個做孖仔啫」

「皮叔你洗乜解釋咁多呀, 佢都唔會幫到手架啦」Tiger走了過去

「叫番我做皮皮哥哥得唔得?」Frankie沒好氣的說, 又轉身對著Jeremy苦笑「我都唔係大過阿駿好多啫」

「你個樣老好多...我去幫其他人換衫洗手」Tiger說完便走開了

「唔該你呀虎」Jeremy笑著說, 然後又遞上藏在褲袋內的牛皮信封「皮皮, 今個月架」

「嘩...多咗咁多嘅?」Frankie驚訝的看著Jeremy

「係呀, 今個月生意好咗嘛, 咪俾多啲囉」Jeremy搔著頭苦笑的道

「咁好呀, 我放好佢先」Frankie轉身走上樓梯

AK看著他們的互動, 聽著他們的對話, 好像解釋了不少事, 但又衍生更多問題

Jeremy望一望又在發呆的AK, 嘆了一口氣走過去拿起一個小碗「我幫你啦」

Jeremy坐到小孩面前, 他指著拿著結他的那個說「佢叫賢仔, 你餵佢啦, 我餵濤濤」

「哦...」AK坐到賢仔面前, 但是賢仔沒有抬頭, 他只顧玩著手上的結他

「賢仔, 我係AK哥哥呀, 食飯先再玩好冇呀?」AK伸手搖搖賢仔的結他

「......」賢仔依然不肯放手, 正眼也沒有看過AK

AK試圖再勸他「嗱我哋而家食飯食快啲, 之後AK哥哥陪你一齊彈好冇?」

賢仔還是沒有回應, AK便把結他從賢仔手中拿走, 下一秒賢仔便開始大哭起來

Jeremy轉頭過來看到AK拿著賢仔的結他, 生氣的說「喂你做乜同佢爭玩具呀?!」

「我冇呀, 咁食飯梗係唔可以玩玩具架啦」

「嘖...行開啦, 一係你過去餵濤濤, 佢易搞啲」Jeremy一手抱起還在嚎哭中的賢仔, 拍著他的背安撫他

AK搔搔頭, 只好走到濤濤面前, 濤濤雙眼發光的看著食物, AK發現每次遞高湯匙, 他的視線總會跟著走

來回玩了數次, 濤濤終於忍不住把手中的籃球扔向AK 「嘩你咁惡嘅?」

AK笑著回頭, 看到Jeremy快要發怒的表情又乖乖的把身子轉回去「濤濤乖, 我哋食飯啦」

站在後方的Jeremy, 一邊輕輕拍打賢仔的背, 一邊靜靜地看著AK與濤濤的交流

雖然是有點笨拙, 但AK無疑會是一個好爸爸

濤濤歡樂的笑臉與AK搞鬼的表情, 就像是兩個大小朋友互相模仿對方

這令Jeremy忍不住掀起一個溫柔的笑容

看來...AK是喜歡小朋友的...真希望他以後會有個快樂的家庭, 擁有最樸實的幸福

想到這, Jeremy本來笑著的表情僵硬了, 心裡好像多了一個小小的空洞, 有點抓不緊的感覺

在他懷中的賢仔彷彿感應到他的心情, 小手撫摸了Jeremy的臉龐一下

Jeremy回過神來看著賢仔, 溫柔的親了他的額頭一下「賢仔乖, 我哋食飯呀」

「嗯」賢仔用細微的鼻音回應

Jeremy抱著他坐下, 任得賢仔繼續玩手中的結他, Jeremy則圈著他細小的身軀

細心的吹涼小碗內的粥, 然後一羹一羹送進賢仔的小嘴

AK回頭看著Jeremy臉上掛著溫暖的笑容, 寵溺的照顧著賢仔

畫面美麗得讓AK看得發呆了, 又傻傻的笑了

對...這是善良的Jeremy, 最真實的Jeremy, 他是應該在這種純真平凡的環境下享受他的幸福

漸漸的, AK臉上的笑容變得有點苦澀, 為甚麼...這一切竟然會變得這麼困難?

Frankie此時從樓梯上走下來「好啦辛苦你哋啦, 我帶佢兩個上去換衫先啦」

說完便拖著兩個小朋友上樓, 剩下他們二人在偏廳

尷尬的相視了一下, 又別過臉去, Jeremy感覺到自己的雙頰紅得發燙

「頭先...門口個度...我...其實我冇心架...」AK首先出聲

「......你冇心...啫係你唔想?」Jeremy聽到有點失望

「唔係...唔係!我想架!!我好想架!!」AK急忙的澄清「...如果可以...我都想...試下錫下你...」

「......」Jeremy害羞的低下頭, 用自己的長髮遮擋著羞得快要泛淚的雙眼

「...啫係...我唔係逼你...」AK開始慌亂的解釋「我唔係想講啲咩, 我只係想試下...唔係...呀!!」

聽著AK亂得連自己想說甚麼都不知道, 這反而令Jeremy有點安心, 這個人, 就是一個傻瓜

「我去廚房睇下有咩幫手」Jeremy阻止了AK沒完沒了的解釋, 沒有正眼看過他便離開了

「呀...呀!!!」AK一邊拍著自己的後腦, 一邊走出屋外「江𤒹生你真係好廢呀!!」