米通 - 中秋慶生

深夜時分，把電單車泊好後，王勁一個箭步衝上Jeremy的家

看看手中的奶黃月餅禮盒，想着Jeremy驚喜的樣子，他輕笑了一下，便按下門鈴

叮噹—

大門隨即被打開， Jeremy穿着家居服，披上圍裙

看見王勁的樣子，竟然嚇得馬上把門關上

「做咩閂門？」王勁輕力拍門問

「點…點解你會上嚟架？！」屋內的Jeremy顯然被嚇到了「你唔係同屋企人食飯聽日先過嚟架咩？」

「食完飯見有兩個月餅多咗，又見你話你番咗屋企，咪諗住拎過嚟俾你囉」王勁回答「一係我放低就走啦」

吱呀—

大門再次被打開，Jeremy探頭出來，雙臉通紅的看着王勁

「你一定有古怪」王勁叉著腰，眉頭稍稍的皺了一下

「咩…咩喎…」

「嗱，接住」王勁把禮盒遞上去

「…哦…」Jeremy乖乖的伸手去接

「本身我呢，就特登留quota諗住同你一齊食嘅，咁如果你唔想我入屋，我走架啦」

「…嗯…bye bye」說完， Jeremy急不及待地想把門關上

可惜王勁敏捷的伸了一隻腳到門縫，輕易的把它頂住了

比力氣的話，又有誰能贏得過他？

「喂呀！又恰我！」Jeremy拍打王勁那緊握著門把的手「你話走又唔走」

「你究竟收埋咗啲咩唔俾得我知啫？咁神秘做乜？」

「你聽日上嚟咪知囉！做乜咁心急喎」

「……你整緊禮物俾我呀？」王勁忽然明白了甚麼似的，笑著問Jeremy

被說穿的Jeremy雙頰紅得發燙，更使力的要把王勁推走

「好煩呀你！」趁他的腳退了出去，Jeremy把門關上了

王勁卻失笑了，擦去因大笑而標出來的淚珠，敲敲門「remy remy…唔好嬲啦…開門先啦」

還在笑的他連一句完整的說話也說不好，屋內的Jeremy更加生氣

「唔開！你笑人！再笑你聽日都唔好上嚟！」

「好啦好啦，我唔笑」王勁深呼吸了一下「你開門先啦」

「……」Jeremy又把門打開「點呀…」

（作者os: 你兩個玩完度門未？）

「中秋節快樂呀remy」王勁笑著說「想當面講呢句咋，冇嘢啦bye bye」

「呃喂…」Jeremy把門打得更開「你入嚟啦…都就搞掂嘅其實…」

「我真係睇得？」王勁興奮的問

「係…但唔準笑…」Jeremy按住想衝入屋的王勁，皺起眉頭想強調自己會生氣

「冇問題，我唔笑」王勁擺出一副撲克臉，脫下波鞋放好在門外

進到屋後，便看到放在桌上的小型蛋糕，旁邊還有兩個大碗裝已染有深橙色和粉黃色的忌廉

比杯子蛋糕大，又比半磅蛋糕細

有點難定義它的尺寸，但給兩個人吃便剛剛好了

這也是Jeremy的細心，是王勁一向最欣賞最喜歡的地方

王勁先到廁所把雙手洗乾淨，準備出來幫忙

走到枱邊拿起刀子想塗抹忌廉時，被Jeremy喝止了

「你做乜呀？」

「幫手囉…」

「邊有人自己整生日蛋糕俾自己架？」Jeremy不禁嘖了一聲

「唔緊要啦，同你一齊整嘢食我都係第一次咋」

「唔得呀！我要自己整俾你呀！」Jeremy扁嘴跺腳

「好好好，你整，我唔搞，我坐沙發等」王勁摸摸他的頭，又撫了一下他的臉龐，便乖乖的坐到沙發等待

過了一陣子，Jeremy開心地叫他「阿勁阿勁得啦！你睇下」

王勁從沙發一個翻身躍過去，便站到Jeremy的身旁「睇過」

深橙色作底色，粉黃色忌廉寫上Alton再加一個心心

王勁看到這個蛋糕，那種甜由心深處發出來展現到臉上

「點解唔係寫個勁字嘅？」

「…其他人一定寫個勁字俾你嘅…我先唔要同其他人一樣」Jeremy再次嘟嘴

「無論點，你俾我嘅都係最特別嘅」王勁被枱面上的信紙吸引了他的目光，拿起打開它「呢封信…」

「啊啊啊！呢個真係唔得！」Jeremy伸手過去想搶回來

「你唔係俾我架咩？To阿勁喎」王勁背著Jeremy，抵著他的雙手，開始讀起信來

「To 阿勁，雖然你係其他人同鏡頭面前粗粗魯魯咁，但對住我總係好溫柔好體貼…」

Jeremy放棄了，獨個兒走到沙發上盤腳坐，低著頭不說話

「而且你心地非常善良，好值得人欣賞。我鍾意你同我傾電話嘅時候把聲好柔情，同你外形有種好強烈嘅對比。希望…以後每晚都可以聽到你講早抖…」王勁愈讀愈慢，抬頭看向在發悶氣的Jeremy「可能…因為我真係好鍾意你…」

Jeremy索性把臉轉向牆身，不容許王勁見到他害羞而導致的滿臉通紅，還有那雙快要忍不住落淚的眼睛

王勁走過去坐到Jeremy身旁，從後圈著他的肩膀，輕輕的在他後腦勺吻了一下

「做咩怕醜呀remy？」王勁輕笑著

Jeremy 才緩緩的轉過頭來，臉上掛上兩條明顯的淚痕

「我諗住叫你聽日返到屋企先睇…我都未寫哂…你自己就開嚟睇…」Jeremy扁嘴的抱怨著

王勁拿了兩張紙巾幫他印乾淚水，不禁又笑了笑「係我唔啱，你唔好唔開心，我聽日再睇，乖」

Jeremy拍打了王勁的胸膛幾下「你而家都睇咗啦…仲睇乜…」

王勁把他的兩隻手都捉緊，放到自己的心臟位置「你寫俾我嘅嘢，我睇一千次一萬次都唔夠喉」

「……又哄我…」Jeremy沒有把手縮回去

「你仲想寫啲咩？而家講埋不如？」

「咪生日快樂，中秋節快樂囉…」Jeremy眼神又再閃避王勁「…希望你會話我知你有幾鍾意我…」

王勁把Jeremy的雙手放到自己的雙肩上，順勢哄近並溫柔的親了上去

良久才分開的二人，相視而笑

「中秋節快樂呀remy…」

「生日快樂呀阿勁…」